پروموټ مشارکت

پروموټ د افغانستان حکومت او د امریکا متحده ایالتونو د نړیوالې پراختیایي ادارې (USAID) ترمنځ یوه ګډه هڅه ده چې موخه یې د افغانو ښځو د تېرې لسیزې د لاسته راوړنو خوندیتوب او همدارنګه د رهبرۍ پر مهارتونو باندې د افغان ښځو د نوي کهول (نسل) سمبالول دي ترڅو هغوی وکولای شي په افغانستان کې د حکومتولۍ، مدني ټولنې او اقتصادي برخو په پرمختګ کې رغنده برخه واخلي. تمه کیږي چې ۷۵۰۰۰ تن ښځې به ددې پروګرام له لارې ځواکمنې شي.

مشارکت چې په دري او پښتو ژبو کې ورته  " ګډکار" او "ګډون" وایی، د پروموټ د ګڼ شمېر پروژو څخه چې یوځای سره کار کوي، د یوې  پروژې نوم دی چې موخه یې د افغانستان له ۳۴ ولایتونو نه د ۵۰۰۰ څخه زیاتو فعالینو او ۳۰۰ مدني ټولنې پورې اړوندو بنسټونو د یوې داسې ډلې رامنځته کول دي چې وکولای شي په افغانستان کې د ښځو د برابرۍ او ځواکمنتیا د ودې لپاره په ګټوره توګه عدالت غوښتنه وکړي.

موخې:

  • په ملي، ولایتي‎ او سیمه ییزه کچه له هغو فعالینو او مدني ټولنې له بنسټونو څخه د عدالت غوښتنې د پراخو ائتلافونو رامنځته کول ترڅو د ښځو د برابرۍ او ځواکمنتیا لپاره کار وکړي؛
  • د ښځو برابرۍ او ځواکمنتیا لپاره د اغېزمنې عدالت غوښتنې پیاوړتیا؛
  • د افغانستان په ټولو ولایتونو کې د ښځو حقونو په اړه د پوهاوي او ملاتړ زیاتوالی؛
  • د جندر پورې اړوندو پالیسیو، قوانینو او لوایحو د جوړونې او پلي کولو په برخه کې د مدني ټولنې او افغان حکومت د اغېزمنتیا زیاتوالی.

د لازیاتو مالوماتو لپاره، په لاندې شمېرو له مشارکت سره په اړیکه کې شئ:

هرات

کابل

مزار

جلال آباد

قندهار

0730700599

0730700600

07030700598

0730700596

0730700597